अब ६० वर्ष

मकवानपुर जिल्लाकै दोश्रो पुरानो विद्यालय बालबोध माध्यमिक विद्यालय, हटियाको ६० औं वार्षिकोत्सव (हीरक जयन्ती) सम्पन्न भएको छ । हटिया ३, भुलभुलेमा रहेको विद्यालयले माघ १७ गतेदेखि सञ्चालन गरेको सप्ताहव्यापी हीरक जयन्ती आज सम्पन्न भएको हो । कार्यक्रममा एक सातासम्म सञ्चालित श्रोतकेन्द्र स्तरीय शिक्षक फुटबल, हाजिरिजवाफ, आमाहरु बीचको घ्याम्पो फुटाउने प्रतियोगिता, दौड लगायतका प्रतियोगिताका विजयी शिक्षक, विद्यार्थी तथा अभिभावकहरुलाई पुरस्कृति गरिएको थियो । यस्तै विद्यालयमा लामो समय सेवा गर्नुभएका शिक्षकहरुलाई दीर्घ सेवा सम्मान, पूर्व शिक्षक, प्रधानाध्यापक एवं विद्यालय व्यवस्थापन समितिका अध्यक्षहरुलाई सम्मान समेत गरिएको थियो । यसैगरि विद्यालयमा १० जोड २ कक्षा सञ्चालनार्थ आर्थिक सहयोग गर्नुहुने अभिभावक एवं अन्य सहयोगीहरुलाई कदरपत्र प्रदान गरिएको थियो ।

सोही अवसरमा विद्यालयका विविध गतिविधि समेटिएको स्मारिका समेत विमोचन गरिएको छ । कार्यक्रममा बोल्दै प्रमुख अतिथि मध्यमाञ्चल क्षेत्रीय शिक्षा निर्देशनालयका निर्देशक चोलेन्द्रकुमार पण्डितले उमेरका हिसाबले वरिष्ठ रहेको विद्यालयले उचित स्रोत साधनको व्यवस्था र त्यसको सही उपयोग गर्दै शैक्षिक गुणस्तरमा पनि उत्कृष्ट बन्ने विश्वास व्यक्त गर्नुभयो । निर्देशक पण्डितले विद्यालयको शैक्षिक विकासका लागि आफ्नो तवरबाट सम्पूर्ण सहयोग गर्ने प्रतिबद्धता समेत जनाउनुभएको छ । विद्यालयमा आगामी शैक्षिक सत्रदेखि १० जोड २ कक्षा सञ्चालन गर्नका लागि अभिभावकहरुबाट हालसम्म करिब चार लाख रुपैयाँ संकलन भएको विद्यालयका प्रधानाध्यापक उत्तम अर्यालले बताउनुभयो । १० जोड २ का लागि आवश्यक पूर्वाधार तयार गर्न यो रकम पर्याप्त नरहेकाले थप सहयोगका लागि सम्पूर्ण पूर्व विद्यार्थी, अभिभावक एवं शिक्षाप्रेमीहरुसँग उहाँले आग्रह समेत गर्नुभएको छ ।

हीरक जयन्ती आयोजक म्ूल समारोह समितिका संयोजक भोला रुपाखेतीको अध्यक्षतामा भएको सो कार्यक्रममा क्षेत्रीय शिक्षा निर्देशनालयका उप—निर्देशक लोकबहादुर लोप्चन, जिल्लास्थित विभिन्न राजनीतिक दल एवं संघसंस्थाका प्रतिनिधिहरुको समेत सहभागिता रहेको थियो ।

बालबोधको सप्ताहव्यापी हीरक जयन्ती शुरु दश जोड दुई कक्षा सञ्चालनका लागि सहयोग गर्न अपील

१७ माघ २०६७

हीरक जयन्ती मनाउन लागेको बालबोध माध्यमिक विद्यालय हटियाको सप्ताहव्यापी कार्यक्रम सोमबारबाट शुरु भएको छ । कार्यक्रमको पहिलो दिन विद्यालयले प्रचारात्मक ¥याली सम्पन्न गरेको छ ।

हर्नामाडि गाविसको दोभानचौरबाट पञ्चेबाजा सहित शुरु भएको ¥याली हर्नामाडि र हटिया गाविसका विभिन्न भागको परिक्रमा पछि हटिया ३, भुलभुलेस्थित विद्यालयमा पुगेर टृङ्गिएको थियो । विद्यालयका पूर्व प्रधानाध्यापक गोकर्णराज महत र विद्यालय संस्थापक बखतबहादुर बानियाका छोरा लिलाबहादुर बानियाले ¥यालीको संयुक्त रुपमा उद्घाटन गर्नुभएको हो । ६ दशक अघि विद्यालय स्थापना भएकै स्थानबाट प्रचारात्मक ¥याली शुरु गरिएको हीरक जयन्ती मूल समारोह समितिका अध्यक्ष भोला रुपाखेतीले बताउनुभयो ।

जिल्लाकै दोश्रो पूरानो विद्यालय वि. सं. २००८ सालमा बालबोध मिडिल स्कुलको नाममा स्थापना भएको थियो । माघ २३ गतेसम्म चल्ने सप्ताहव्यापी कार्यक्रम अन्तर्गत स्रोतकेन्द्र स्तरीय शिक्षक फुटबल प्रतियोगिता, हाजिरिजवाफ, विद्यालय खेलकुद, चित्रकला, आमा समूहबीच घ्याम्पो फुटाउने प्रतियोगिता, साहित्यिक तथा साँस्कृतिक कार्यक्रम एवं सम्मान पत्र वितरणको कार्यक्रम रहेको विद्यालयका प्रधानाध्यापक उत्तम अर्यालले जानकारी दिनुभयो ।

यसैबीच, विद्यालयले दश जोड दुई कक्षा सञ्चालनका लागि सहयोग गर्न विद्यालयका अभिभावक, पूर्व विद्यार्थी तथा दाताहरुसमक्ष अपील समेत गरेको छ । बदलिँदो समयानुकुल स्थानीय स्तरमै उच्च शिक्षा दिनु अती आवश्यक भएको भन्दै विद्यालय व्यवस्थापन समितिका अध्यक्ष सूर्य बहादुर पाख्रिनले यथासक्य सहयोगका लागि सबैसँग आग्रह गर्नुभयो ।

बालबोध अब १० जोड २ को बाटोमा

मकवानपुर जिल्लाकै पुरानो विद्यालय बालबोध माध्यमिक विद्यालयले आफ्नो स्थापनाको ६० औं वार्षिकोत्सवसँगै दश जोड दुई सञ्चालनको तयारी शुरु गरेको छ । हटिया ३ मा रहेको विद्यालयमा आज सम्पन्न भेलाले दश जोड दुईको सञ्चालनलाई समेत लक्षित गरी हीरक जयन्ती मूल समारोह समिति गठन गरेको छ । भोलाप्रसाद रुपाखेतीको अध्यक्षतामा गठित मूल समारोह समिति १ सय १ सदस्यीय रहेको छ । कार्यक्रमलाई सफल बनाउनका लागि विभिन्न उपसमितिहरुसमेत गठन गरिएको छ । जसअन्तर्गत सुनिल बानियाको संयोजकत्वमा आर्थिक संकलन उपसमितिमा, व्यवस्थापन समिति पूर्व अध्यक्ष बद्री कुँवरको संयोजकत्वमा कार्यक्रम व्यवस्थापन उपसमिति, रमेश रानाको संयोजकत्वमा मञ्च व्यवस्थापन उपसमिति तथा विष्णुप्रसाद ढुंगानाको संयोजकत्वमा पुरस्कार तथा सम्मान उपसमिति चयन गरिएको छ । यस्तै विद्यालयका पूर्व प्रधानाध्यापन गोकर्णराज महतलाई स्मारिक प्रकाशन उपसमितिको संयोजक चयन गरिएको छ भने प्रचारप्रसार उपसमितिको संयोजकमा छवि अनित्यलाई चयन गरिएको छ । २००८ सालमा स्थापित विद्यालयले आगामी माघ २३ गते आफ्नो ६० औं वार्षिकोत्सव मनाउँदैछ । सो अवसरमा देश—विदेशमा रहेका विद्यालयका भूतपूर्व विद्यार्थीहरुलाई समेटिने मूल समारोह समितिका संयोजक रुपाखेतीले बताउनुभयो ।

इतिहासको पानाबाट............................

देशमा राणाशासनको अन्त्य भयो, प्रजातन्त्र स्थापना भयो र देखियो शैक्षिक जगतमा उदारीकरण । फलस्वरुप गाउँ गाउँका जनता आफ्ना सन्तानको उज्यालो भविष्यका लागि विद्यालय स्थापना गर्न जुटे । यही सिलसिला— वि.सं. २००८ साल माघ २३ गते तत्कालिन हर्नामाडी क्षेत्रका बासिन्दा अनि राजनीतिक कार्यकर्ताको पहलमा खुल्यो मकवानपुरको जिल्लाको दोश्रो शिक्षालय बालबोध मिडिल स्कुल ।
प्रधानाध्यापक थिए, भारतबाट झिकाइएका वैद्यनाथप्रसाद सिंह । अनि विद्यालयको सञ्चालनको जिम्मा लिए, बखतबहादुर बानियाले । बखतबहादुर बानिया त्यो नाम थियो, जसका कारण बालबोध मिडिल स्कुलले जन्म लिने सौभाग्य पाएको थियो । उनैको त्यतिबेलाको समयको एक हजार रुपैया आर्थिक सहयोगका कारण जिल्लाकै इतिहास बोकेको यो बालबोध मिडिल स्कुलले अस्तित्व पाएको थियो ।
वि.सं.२००८ सालमा विद्यालयको पठन पाठन शुरु भयो हर्नामाडिको दोभान चौरमा । विद्यालय त शुरु भयो, तर विद्यालय आसपासका क्षेत्रमा बसोबास पातलो हुनु र तरीक्षेत्रमा बस्ति बढ्दै जानुले विद्यालयलाई बसाईँ सर्नुपर्ने अवस्था सम्म ल्याइपु¥यायो र विद्यालय आइपुग्यो, वि.सं. २०३० साल पुष २६ गते हटिया गाउँ विकास समितिको वडा नम्बर ३ स्थित डिपो चौरमा । त्यहीँ थियो धर्मभकारी त्यतिबेलाको, अनि त्यहीँको काठको घर अनि स्थानीय बासिन्दाले स्याउलाले छापेर बनाएको छाप्रोमा चल्यो विद्यालय । पञ्चायतकालीन अवस्था, अनि पञ्चहरुको हालीमुहाली रहेको धर्मभकारीमा विद्यालय टिक्न सकेन र फेरि बसाईँ स¥यो, बालबोध निम्न माध्यमिक विद्यालय बनिसकेको मिडिल स्कुल हालको स्थान— हटिया गाउँ विकास समितिको वडा नम्बर ३, भुलभुलेमा । यो प्रसँग वि.सं. २०३० साल माघ १७ गतेको ।

ईतिहास लेख्न सक्छौँ कि ?

अ आ इ ई उ ऊ ऋ लृ ए ऐ ओ औ अं अः

क ख ग घ ङ
च छ ज झ ञ
ट ठ ड ढ ण
त थ द ध न
प फ ब भ म
य र ल व
श ष स ह
क्ष त्र ज्ञ

० १ २ ३ ४ ५ ६ ७ ८ ९

A B C D E F G H I J K L M N O P Q R S T U V W X Y Z